វិធីសាស្ត្របង្រៀនកូនៗឲ្យចេះប្រកបអក្សរ
ការបង្រៀនកូនៗ
ឲ្យចេះប្រកបអក្សរ ពិតជាមានការលំបាកខ្លាំងណាស់
ប៉ុន្តែវាជាកិច្ចការមួយសំខាន់ណាស់។
អ្នកត្រូវគិតពីវិធីសាស្ត្រខុសៗគ្នា នៅពេលបង្រៀនកូនប្រកប។
មានវិធីសាស្ត្របុរាណៗ អ្នកអាចឲ្យពួកគេសរសេរមួយពាក្យពី ៤-៥ ដង ឬ
ឲ្យពួកគេប្រើពាក្យមួយនេះច្រើនដងនៅក្នុងប្រយោគ។
អ្នកត្រូវបើកចិត្តឲ្យទូលាយ ដើម្បីរកវិធីថ្មីៗ
ហើយមានការឆ្នៃប្រឌិត។
វិធីនេះនឹងអាចជួយឲ្យកូនៗមានចំណាប់អារម្មណ៏លើការរៀនប្រកប។
ទោះបីជាសាលា នឹងផ្តល់ការងារច្រើនដល់កូនៗរបស់អ្នកក៏ដោយ
តែអ្នកក៏អាចជួយដល់គ្រូ និងកូនៗរបស់អ្នកដែរ។
គ្មានអ្វីដែលគួរឲ្យសង្ស័យឡើយ
កូនៗរបស់អ្នកនឹងកាន់តែមានភាពកក់ក្តៅ
នៅពេលបាននៅជាមួយឪពុកម្តាយដូចជាអ្នក។
អ្នកអាចរកដំណោះស្រាយបញ្ហារបស់កូនៗអ្នក ហើយធ្វើការជាមួយពួកគេ។
នៅពេលអ្នកកំពុងបង្រៀនកូនៗប្រកបអក្សរ
អ្នកត្រូវរក្សាចំណុចមួយចំនួនទុកនៅក្នុងចិត្ត។
អ្នកត្រូវចេះដោះស្រាយលើតួអក្សរ, ក្បួនច្បាប់ការប្រកប,
អនុវត្តតាមដំណាក់កាលមួយៗ ហើយចុងបញ្ចប់ធ្វើការរំលឹកឡើងវិញ។
ប្រើសមត្ថភាពប្រាប់ដល់កូនអ្នកពីអ្វីពិតប្រាកដ
ដែលធ្វើឲ្យកូនអ្នកចេះប្រកបឲ្យបានល្អ។
ការមើល និងការសរសេរ
នេះជាវិធីសាស្ត្រប្រសើរបំផុត
ដើម្បីជួយឲ្យកូនរបស់អ្នកអាចចងចាំការប្រកប។
អ្នកអាចលេងសើចដោយការលេងហ្គេមតិចតួចជាមួយពួកគេ។
អ្នកអាចឲ្យពួកគេសរសេរពាក្យនៅលើសន្លឹកបៀដែលមើលហើយ
រួចឲ្យពួកគេសរសេរពាក្យទាំងនោះឡើងវិញ។
អ្នកអាចលេងហ្គេមផ្សេងៗជាច្រើនទៀត។
លាក់ហើយឲ្យដើររក
នេះជាប្រភេទហ្គេមមួយដែលក្មេងៗចូលចិត្តលេង។ អ្នកអាចលាក់បៀ
២ទៅ ៣សន្លឹក នៅជុំវិញផ្ទះហើយ បន្ទាប់មកឲ្យពួកគេដើររក។
នៅពេលពួកគេរកឃើញសន្លឹកបៀទាំងអស់ហើយ
ប្រាប់ឲ្យពួកគេសរសេរពាក្យក្នុងសន្លឹកបៀរនោះចូលក្នុងសៀវភៅ។
កំណត់ពេលវេលា
ប្រសិនបើកូនៗរបស់អ្នកចូលចិត្តការប្រណាំងប្រជែង
អ្នកអាចប្រើនាឡិកាកំណត់ពេល។ អ្នកអាចឲ្យគាត់សរសេរ ១០ពាក្យ។
អ្នកក៏អាចឲ្យគាត់កំណត់ពេលវេលាដោយខ្លួនឯងបានដែរ។
អ្នកអាចប្រើគំនិតមួយចំនួន
ដើម្បីជួយរក្សាចិត្តរបស់គាត់ឲ្យបានស្ងប់
ហើយនឹងធឹងក្នុងពេលកំពុងសរសេរ។
ដាក់ពិន្ទុ
ក្មេងៗតែងតែចង់បានការលើកទឹកចិត្ត
និងចង់ឲ្យអ្នកមានមោទនភាពចំពោះពួកគេ។ សម្រាប់រឿងនេះ
អ្នកអាចធ្វើតារាងពិន្ទុមួយ
ដែលអាចដាក់ពិន្ទុរបស់គាត់ជាបន្តបន្ទាប់។ អ្នកអាចប្រើកុំព្យូទ័រ
ឬក៏អាចឲ្យកូនអ្នកដាក់ពិន្ទុបន្តបន្ទាប់របស់គាត់នៅលើក្រដាស។
ធ្វើឲ្យបានគ្រប់យ៉ាងទាំងអស់
កុំប្រើតែក្រដាស និងប៊ិចគ្រប់ពេលវេលា
អ្នកអាចប្រើវិធីផ្សេងៗដែលមាននៅជុំវិញផ្ទះ។ អ្នកអាចប្រើជក់,
ក្រមួន, ខ្មៅដៃ, ភក់ ឬក្រែមកោរពុកមាត់។
ឲ្យកូនរបស់អ្នកសរសេរអក្សរដោយប្រើវិធីឆ្នៃប្រឌិត៕
No comments: